Սաուդյան Արաբիայի նախաձեռնությամբ ստեղծվում է «Բազմազգ ծովային պաշտպանության դաշինք», որի նպատակն է ապահովել առևտրային նավերի անվտանգությունը Կարմիր ծովում, Ադենի ծոցում և Բաբ էլ-Մանդեբի նեղուցում։
Հուլիսի 30-ին Սաուդյան Արաբիայում կայացած հանդիպմանը, որին առցանց և առկա ձևաչափերով մասնակցել է 51 երկիր և ԵՄ ներկայացուցչությունը, հրապարակվել է համատեղ հայտարարություն, ինչին աջակցություն է հայտնել 14 երկիր, այդ թվում՝ Թուրքիան։
Թեև Անկարան սատարում է նախաձեռնությանը, սակայն դեռևս պաշտոնապես չի անդամակցել դաշինքին։ Ներկայումս Թուրքիայի և Սաուդյան Արաբիայի միջև շարունակվում են տեխնիկական քննարկումները՝ կառույցի գործունեության իրավական շրջանակն ու պարտականությունները հստակեցնելու նպատակով։
Նշվում է, որ Անկարայի համար առաջնահերթությունն էներգակիրների մատակարարման և ծովային առևտրի անխափան իրականացումն է, ինչը ռազմավարական կարևորություն ունի ինչպես տարածաշրջանային, այնպես էլ համաշխարհային տնտեսության համար։ Նախատեսվում է, որ նոր դաշինքի կենտրոնակայանը տեղակայվելու է Ռիադում։
Աղբյուր՝ Haberler
