Թուրքիայի պաշտպանության նախարարությունը հայտնել է 2026-ի մայիսի 11-ից օգոստոսի 7-ը Թուրքիայի արևմտյան հատվածում գտնվող Մանիսա քաղաքում Սոմալիի զինված ուժերի 1521 զինծառայողի պրոֆեսիոնալ զինվորական պատրաստվածություն ենթադրող կոմանդոյի կրթություն է տրամադրվել: Նշվել է, որ ուսուցման գործընթացն այժմ ավարտվել է և մեկնարկել է վերջիններիս հայրենիք ուղարկելու գործընթացը:
Բացի այդ, ՊՆ-ն տեղեկացրել է, որ դասընթացի ավարտցի հետո Մանիսայում տեղի է ունեցել ավարտական արարողություն, որին ներկա են եղել Թուրքիայի ցամաքային զորքերի հրամանատար, բանակի գեներալ Մետին Թոքելը և Սոմալիի ցամաքային զորքերի հրամանատար, բրիգադի գեներալ Սահալ Աբդուլլահի Օմարը:
Ուսումնառությունն ավարտած զինվորականների տեղափոխումը Սոմալի նախատեսվում է ավարտին հասցնել մինչև սեպտեմբերի 4-ը, սակայն Սոմալիի զինվորական անձնակազմի վերապատրաստման գործընթացը սրանով չի սահմանափակվում: Օգոստոսի 17-ից նոյեմբերի 9-ը ևս 1523 սոմալեցի զինծառայող Մանիսայում կանցնի կոմանդոյի հիմնական դասընթաց:
Այսպիսով, 2 փուլերի արդյունքում Թուրքիայում վերապատրաստված սոմալեցի զինվորականների ընդհանուր թիվը կհասնի 3044-ի:
Թուրքիան շարունակում է Սոմալիի անվտանգության ուժերի կարողությունների զարգացմանն ուղղված ռազմական կրթության և խորհրդատվական աջակցության գործունեությունը երկու երկրների միջև ստորագրված համաձայնագրերի շրջանակում: Այս գործընթացի կարևոր օղակներից է նաև Սոմալիի մայրաքաղաք Մոգադիշոյում գործող «TÜRKSOM» ռազմական ուսումնական կենտրոնը:
Աղբյուր՝ Tabya Dijital
