Թուրքիայի արտաքին գործերի նախարարության մամուլի քարտուղար Օնջու Քեչելին արձագանքել է բանտում մահացած սերբ գեներալ Ռատկո Մլադիչի հուղարկավորության պատվին Բելգրադում կազմակերպված զինվորական արարողությանը:
Մլադիչը մեղադրվել էր բոսնիական պատերազմի ընթացքում իրականացրած ցեղասպանության և մարդկության դեմ ուղղված հանցագործությունների համար և դատապարտվել ցմահ ազատազրկման։
Թուրքիայի ԱԳՆ մամուլի քարտուղարը սոցցացնում գրառում է արել Սերբիայի մայրաքաղաք Բելգրադում տեղի ունեցած հուղարկավորության արարողության թեմայով։
«Անընդունելի է դատապարտված հանցագործներին հերոսացնելու փորձերը։ Դրանք խորացնում են զոհերի հարազատների ցավն ու վնասում տարածաշրջանում խաղաղության հաստատման երկարամյա ջանքերին: Բալկաններին անհրաժեշտ է անցյալից դասեր քաղել և համատեղ կառուցել խաղաղ ապագա: Մեկ անգամ ևս հարգում ենք Բոսնիական պատերազմի բոլոր անմեղ զոհերի հիշատակը»:
Աղբյուր՝ Yeni Şafak
