Ամերիկացի նախկին դիվանագետ Մեթյու Բրիզան մեկնաբանել Է ԱՄՆ նախագահ Դոնալդ Թրամփի նախագահության նոր շրջանում վերաձևավորվող թուրք-ամերիկյան հարաբերությունները։
Վերջինս, շեշտելով, որ ԱՄՆ նախագահ Դոնալդ Թրամփին չի հետաքրքրում Թուրքիայի ներքաղաքական զարգացումները, պնդել է նաև, որ ԱՄՆ կոնգրեսում Թուրքիայի նկատմամբ բացասական ընկալում կա և այդ երկիրը դեռևս դիտարկվում է որպես խնդիր։
Բացի այդ, Բրիզը խոսել է Թուրքիայի՝ կործանիչների տեղական շարժիչների հնարավոր արտադրության մասին և այն համարել «անիրատեսական»։
«Բոլորը պետք է իմանան, որ առասպելը, ըստ որի, Թուրքիան արտադրելու է կործանիչների իր սեփական շարժիչը, անիրատաեսական է։ Հինգերորդ սերնդի կործանիչի շարժիչ զարգացնելու համար Թուրքիայից տասնյակ տարիներ կպահանջվեն»,-հավելել է նա։
Ամերիկացի նախկին դիվանագետը պնդել է, որ թեմայի վերաբերյալ հայտարարությունները, ինչպիսին օրինակ Թուրքիայի արտգործնախարար Հաքան Ֆիդանի կողմից թուրքական «KAAN» կործանիչի շարժիչի արտադրման վերաբերյալ արված հայտարարությունն էր, ոչ այլ ինչ է, քան ուղերձ (մեսիջ) Թրամփին։
Աղբյուր՝ T24
Թուրքիայի ամենախոշոր ռազմական ավիավթարները
Ամենածանր վթարներից մեկը տեղի է ունեցել 1993 թ. Բինգյոլում, երբ Անկարա մեկնող «C-130» ինքնաթիռը բախվել էր լեռանը։
