Գերմանական մամուլի թիրախում է հայտնվել Գերմանիայի կանցլեր Ֆրիդրիխ Մերցի Թուրքիա այցը, որի ժամանակ նա մասնավորապես հայտարարել է, որ Թուրքիան Եվրոպայի համար ընկալվում է անփոխարինելի երկիր՝ չնայած իրավունքների ոտնահարման բազմաթիվ դեպքերին:
Գերմանական «FAZ» թերթը գրում է. «Բոլոր աշխարհառազմավարական շահերը մի կողմ, Գերմանիան չպետք է խոնարհվի Թուրքիայի առաջ: Թուրքիան Գերմանիային պետք է այնքան, ինչքան Գերմանիան ունի Թուրքիայի կարիքը»:
Թերթում բացի այդ շեշտվում է, որ եթե Գերմանիայի կառավարությունը նպատակ ունի Թուրքիան ռազմավարական տեսանկյունից ավելի շատ կապել Եվրոպայի հետ, ապա չպետք է մոռացության մատնի այն շրջանակներին (նկատի է առնվել Թուրքիայի ընդդիմությունը – խմբ.), որոնք տևական ժամանակ ձգտում են Թուրքիան տանել դեպի ժողովրդավարական Արևմուտք։
Հիշեցնենք, որ նախքան Մերցի Անկարա այցը, Գերմանիայի ընդդիմությունը քննադատել էր կանցլերին՝ օրակարգում Թուրքիայի ընդդիմության հետ շփումներ չնախատեսելու համար:
Աղբյուր՝ DW
Էրդողանը հեռախոսազրույց է ունեցել Իսպանիայի ղեկավարի հետ
Թուրքիայի նախագահը Սանչեսին շնորհավորել է ֆուտբոլի աշխարհի առաջնությունում Իսպանիայի հաղթանակի առթիվ:
