Նոյեմբերի 3-ին Թուրքիայի նախագահ Ռեջեփ Թայիփ Էրդողանի գլխավորությամբ կկայանա կառավարության նիստ: Օրակարգում լինելու են ահաբեկչության դեմ պայքարին, տնտեսությանը, ինչպես նաև տարածաշրջանի զարգացումներին վերաբերող հարցեր:
Մասնավորապես քննարկվելու է Թուրքիայի կողմից ահաբեկչական ճանաչվող «Քուրդիստանի բանվորական կուսակցության» (ՔԲԿ-PKK) ինքնալուծարման և Թուրքիայից դուրս գալու հարցը, ինչպես նաև անդրադարձ է կատարվելու է «ՔԲԿ»-ի հիմնադիր-առաջնորդ Աբդուլլահ Օջալանի հետ կապի մեջ գտնվող պատվիրակության և Էրդողանի շփումներին:
Օրակարգից դուրս չի մնալու երկրում հետզհետե աճող գնաճը. քննարկվելու է հոկտեմբերին արձանագրված ինֆլյացիան (գնաճ):
Նիստի ընթացքում անդրադարձ է կատարվելու նաև Պաղեստինի Գազայի հատվածում հայտարարված հրադադարին և տարածաշրջանում տիրող իրավիճակին: Անմասն չի մնալու այդ հատված հումանիտար օգնություն ուղարկելու գործընթացը:
Այս համատեքստում քննարկվելու է նաև Գազայում հայտարարված հրադադարի պահպանման համար տեղակայվելիք զորախմբում թուրքական զինուժի ներգրավման հարցը:
Թուրք բարձրաստիճան պաշտոնյաները մտքեր են փոխանակելու նաև նախորդ շաբաթ Գերմանիայի Կանցլերի Անկարա այցի, ինչպես նաև Մեծ Բրիտանիայի վարչապետի հետ «Eurofighter» կործանիչների ձեռքբերման շուրջ ստորագրված համաձայնագրի շուրջ:
Աղբյուր՝ Cumhuriyet
