Նոյեմբերի 17-ին Թուրքիայի նախագահ Ռեջեփ Թայիփ Էրդողանի գլխավորությամբ կառավարության նիստ կգումարվի: Օրակարգում են լինելու «Թուրքիան առանց ահաբեկչության» տեսլականի շուրջ վերջին զարգացումները, Պաղեստինի Գազայի հատվածում հաստատված հրադադարից հետո տիրող իրավիճակը, Թուրքիայի ռազմական բեռնատար ինքնաթիռի կործանմանը վերաբերող հարցեր և այլն:
Մասնավորապես անդրադարձ է կատարվելու վթարի պատճառներին և այդ ուղղությամբ իրականացվող աշխատանքներին: Նշվում է, որ սև արկղի տվյալները թույլ կտան պարզել, թե ինչ է տեղի ունեցել օդաչուի խցիկում ինքնաթիռի կործանմանը նախորդած րոպեներին:
Կառավարության անդամները քննարկելու են Թուրքիայի կողմից ահաբեկչական ճանաչված «Քուրդիստանի բանվորական կուսակցության» (ՔԲԿ-PKK) ինքնալուծարման գործըթնացը: Առանձին առանձին անդրադարձ է կատարվելու նաև Սիրիային և քրդական «SDG-ի» (Սիրիայի ժողովրդավարական ուժեր) գործողություններին:
Բացի այդ, քննարկվելու են Թուրքիայի արտգործնախարար Հաքան Ֆիդանի ԱՄՆ-ում ունեցած շփումները, ինչպես նաև ուսումնասիրվելու են Թուրքիա-ԱՄՆ-Սիրիա եռակողմ հանդիպման արդյունքները:
Աղբյուր՝ Trt Haber
