Թուրքիայի նախագահ Ռեջեփ Թայիփ Էրդողանի գլխավորությամբ կայացած անվտանգության նիստից հետո նախագահականի հանրային կապերի վարչության սոցիալական էջերում հայտարարություն է տարածվել։ Հատուկ ընդգծվել են «Թուրքիան առանց ահաբեկչության» տեսլականին միտված քննարկումները։
Մասնավորապես նշվել է, որ նիստի ընթացքում անդրադարձ է եղել այդ տեսլականն իրականություն դարձնելու համար ահաբեկչությանը լրիվ վերջ տալուն և ազգային միասնության ու համերաշխության ամրապնդման ուղղությամբ իրականացվող բազմավեկտոր աշխատանքներին։ Ընդգծվել է, որ տարածաշրջանի ապագայում ահաբեկչության և բռնության դրսևորումները տեղ չունեն։
«Արտահայտվել է մեր գոհունակությունը մեր հարևան Սիրիայի՝ իր առաջ ծառացած դժվարությունները հաղթահարելու, իրեն արժանի միջազգային դիրքում հայտնվելու և տարածաշրջանային կայունության հարցում ներդրում ունենալու տեսանկյունից գրանցած առաջընթացի վերաբերյալ»,-ասվել է հայտարարությունում։
Բացի այդ դրանում շեշտվել է, որ Թուրքիան «եղբայրական Սիրիայի ժողովրդի բոլոր հատվածներին շարունակելու է աջակցել խաղաղության, բարօրության, բարեկեցության և անվտանգության հարցում»։
Աղբյուր՝ Trt Haber
