Թուրքիայի նախագահականի հանրային կապերի վարչության ապատեղեկատվության դեմ պայքարի կենտրոնը հաղորդագրություն է տարածել՝ հերքելով այն լուրերը, թե երկրի ռազմարդյունաբերական ծրագրերի կյանքի կոչման համար բավարար գումարի չի հատկացվել, միջոցներն բարձիթողի կերպով են հաշվարկվել և տարված աշխատանքներում ազգային անվտանգությունը չի ընդունվել որպես հիմք:
Կենտրոնը «Nsosyal» սոցհարթակի օգտահաշվում կատարած գրառման մեջ մասնավորապես նշել է, որ որոշ լրատվական կազմակերպությաններում և սոցիալական մեդիայի օգտահաշիվներում տարածվող «պնդումները» իրականության հետ աղերս չունեն: Բացի այդ, շեշտվել է, թե Թուրքիան երկիր է, որը ռազմարդյունաբերական ծրագրերի պլանավորման հիմքում ազգային անվտանգությունն է հիմք համարում, ինչպես նաև բյուջեն պլանավորում է՝ ըստ ռազմավարական նպատակների:
«Ռազմարդյունաբերության նկատմամբ նմանատիպ անհիմն պնդումները չեն համապատասխանում առկա իրականության, պաշտոնական տեղեկատվության և իրականացվող ծրարգրերի շոշափելի արդյունքների հետ: Մի՛ վստահեք հանրությանը մոլորեցնելուն միտված նման գնահատականներին»,- ասվել է հաղորդագրությունում:
Բացի այդ, դրանում շեշտվել է, որ ռազմադրոյւնաբերական ծրագրերն իրականացվում են առնչվող կառույցների ընդհանուր գնահատականների և բազմաշերտ որոշումների մեխանիզմով։ Նշվում է նաև, որ Թուրքիայի ռազմարդյունաբերության ոլորտում տեղական արտադրության ծավալները գերազանցել են ամբողջի 80 տոկոսը և միաժամանակ իրականացվում են մի շարք ծրագրեր կիբերանվտանգության, ցամաքային, օդային և ծովային ոլորտներում:
Աղբյուր՝ Trt Haber
