Դիվանագիտական ներկայացուցչությունների թվով Թուրքիան աշխարհի խոշոր երկրներից մեկն է

Թուրքական մամուլում շրջանառվող լուրերի համաձայն՝ Թուրքիան աշխարհի մասշտաբով ամենաշատ դիվանագիտական ներկայացուցչություն ունեցող երկրների եռյակում է: Արտերկրում Թուրքիայի ունեցած դիվանագիտական ներկայացուցչությունների թիվը 2025-ի դրությամբ կազմել է 264:

Բացի այդ, Թուրքիան մեծ թվով դիվանագիտական ներկայացուցիչներ ունի իր հարկի տակ: Ըստ այդմ՝ երկրում գործում է օտարերկրյա 140 դեսպանություն, 97 գլխավոր հյուպատոսություն, 8 հյուպատոսություն, 62 միջազգային կազմակերպության գրասենյակ, 1 մշտական ներկայացուցչություն և 1 առևտրային գրասենյակ, կամ ընդհանուր առմամբ՝ 309 օտարեկրյա ներկայացուցչություն:

Նշվում է նաև, որ 2025-ի նոյեմբերին Թուրքիան ընդունել է 47 պետության և կառավարության ղեկավարի ու 23 երկրի արտգործնախարարի: Թուրքիայի արտգործնախարար Հաքան Ֆիդանի խոսքով՝ 2025-ին Թուրքիայի դիվանագիտական շփումների վեկտորը եղել է Պաղեստինի Գազայի հատվածը, ռուս-ուկրաինական պատերազմը, Սիրիան ու Կիպրոսը:

Աղբյուր՝ Sabah