Թուրքիայի նախագահ Ռեջեփ Թայիփ Էրդողանը հեռախոսաազրույց է ունեցել Սիրիայի ժամանակավոր կառավարության նախագահ Ահմեդ Ալ-Շարայի հետ: Այս մասին հայտնում է Թուրքիայի նախագահականի հանրային կապերի վարչության ղեկավար Բուրհանեթթին Դուրանը՝ X-ում կատարած գրառմամբ:
Հեռախոսազրույցի օրակարգում եղել են երկկողմ հարաբերությունները և Սիրիայի շուրջ տեղի ունեցող վերջին զարգացումները: Էրդողանը կարևորություն է տվել Սիրիայի տարարածքային ամբողջականությանը, միասնականությանը, կայունությանն ու անվտանգությանը:
Բացի այդ, Թուրքիայի նախագահը Շարային ասել է, որ Սիրիայի տարածքներն ահաբեկչությունից ամբողջությամբ ազատելն անհրաժեշտ է ոչ միայն Սիրիային, այլ նաև ամբողջ տարածաշրջանին: Էրդողանն ինչպես այս, այնպես էլ մի շարք այլ հարցում Թուրքիայի աջակցությունն է հայտնել Սիրիայի ժամանակավոր կառավարության նախագահին:
Աղբյուր՝ Trt Haber
