Հունաստանի պաշտպանության նախարար Նիկոս Դենդիասը հեռուստատեսային ծրագրերից մեկում, անդրադառնալով տարածաշրջանում տեղի ունեցող վերջին զարգացումներին, հայտնել է․ «Այս իրավիճակը կարող է համապատասխան հիմք ստեղծել Կիպրոսից թուրքական զորքերը դուրս բերելու համար»։
Նշենք, որ օրեր առաջ Իրանը հրթիռային հարձակում էր իրականացրել Կիպրոսի Հանրապետությունում գտնվող բրիտանական ռազմաբազաների վրա։ Այս իրադարձություններից հետո Հունաստանը երկու F-16 կործանիչ և երկու ֆրեգատ էր ուղարկել Կիպրոս կղզի։ Այս հարձակումների համատեքստում Աթենքի իշխանությունները լիակատար աջակցություն են հայտնել Կիպրոսի Հանրապետությանը՝ ընդգծելով, որ կբավարարվեն օգնության ցանկացած դիմում։
Հունաստանի ՊՆ ղեկավարը Հյուսիսային Կիպրոսի ինքնահռչակ թուրքական հանրապետությունում տեղակայված թուրքական զինված ուժերի զինծառայողներին օկուպանտ է անվանել։
«Թուրքիան Հյուսիսային Կիպրոսում ունի լուրջ ռազմական ներկայություն, և այնտեղ այժմ տեղակայված է ավելի քան 40 հազար զինծառայող։ Գուցե տարածաշրջանում տեղի ունեցող այս վերջին զարգացումները կարևոր հնարավորություն ստեղծեն՝ այդ ռազմական ուժերը կղզուց դուրս բերելու համար»։
Աղբյուր՝ Ermenihaber.am
