Թուրքիայի նախագահ Ռեջեփ Թայիփ Էրդողանի գլխավորությամբ նախագահականում կառավարության նիստ կգումարվի: Երկշաբաթյա դադարից հետո կայանալիք նիստի օրակարգային հարցերից որպես ամենակարևորը որակվել է ԱՄՆ-Իսրայել-Իրան պատերազմը:
Ըստ այդմ՝ նիստի ընթացքում համապարփակ կերպով քննարկվելու են Մերձավոր Արևելքի զարգացումները և հատկապես շեշտադրում է կատարվելու Էրդողանի գլխավորությամբ վարվող «խաղաղության դիվանագիտության» և պատերազմը հնարավորինս շուտ կանգնեցնելու նպատակով երկխոսության և դիվանագիտական մեխանիզմների կիրառման համար ձեռնարկվելիք քայլերի վրա:
Նշվում է, որ Անակարայի առաջնահերթությունը Մերձավոր Արևելքում հետզհետե ընդլայնվող կրակի օղակից երկիրը հեռու պահելն է, ինչի համար էլ կառավարության ներկայացուցիչները մտքեր են փոխանակելու օդային տարածքի և սահմանների անվտագնության հարցում հնարավոր ռիսկերը կանխելուն միտված միջոցառումների շուրջ:
Անմասն չեն մնալու նաև էներգետիկ ոլորտի գների կտրուկ բարձրացումների ֆոնին երկրում գնաճի կանխման գործընթացի շարունակականությունն ապահովելու և սպառողին պաշտպանելու համար իրականացվող քայլերի վերաբերյալ քննարկումները: Գնահատվելու է շուկաներում առկա իրավիճակը:
Աղբյուր՝ Trt Haber
