Թուրքիայի պաշտպանության նախարարության մամուլի և հասարակայնության հետ կապերի խորհրդական, նախարարության խոսնակ կոնտր-ադմիրալ Զեքի Աքթյուրքը ամենշաբաթյա բրիֆինգի ընթացքում տեղեկարցել է Իրաքի մայրաքաղաքում տեղակայված թուրք զինվորների դուրս բերման մասին: Վերջինիս խոսքով՝ այդ քայլը պայմանավորված է ՆԱՏՕ-ի կողմից կայացված որոշմամբ:
Բացի այդ, Աքթյուրքը ցավակցել է մարտի 21-ին Կատարում տեղի ունեցած ուղղաթիռի վթարի հետևանքով թուրք և կատարցի զինվորականների մահվան առթիվ, ապա, անդրադառնալով Մերձավոր Արևելքում տեղի ունեցող իրադարձություններին, հայտարարել է, որ ԱՄՆ-Իսրայել և Իրան բախումները սպառնում են տարածաշրջանային կայունությանը: Այս համատեքստում խոսնակը նշել է, որ Թուրքիան շարունակում է մնալ խնդիրների երկխոսությամբ և դիվանագիտությամբ լուծման կողմնակիցը:
Թուրք պաշտոնյան խոսել է նաև եվրոպական արտադրության «Eurofighter Typhoon» կործանիչների ձեռքբերման գործընթացի մասին և հիշեցրել, որ ավելի վաղ Թուրքիայի և Մեծ Բրիտանիայի միջև դրանց մատակարարման համատեքստում ստորագրվել է տեխնիկական և լոգիստիկ աջակցության պայմանագիր: Աթյուրքն անդրադարձել է նաև Սև ծովի տարածքում անօդաչու թռչող սարքերի օգտագործման հետևանքով ձևավորված ռիսկերին և քաղաքացիներին կոչ արել հեռու մնալ կասկածելի առարկաներից և դրանց մասին տեղեկացնել անվտնագության ստորաբաժանումներին:
Վերջինս անդրադարձել է Թուրքիայում նախատեսվող ՆԱՏՕ-ի նոր կորպուսի ստեղծման նախապատրաստական աշխատանքներին ևս՝ տեղեկացնելով, որ դրանք ընթացքի մեջ են, նշանակվել են ազգային կադրեր, իսկ հաստատման գործընթացը դեռևս ընթացքի մեջ է:
Աղբյուր՝ Arti Gercek
