Թուրքիայում գործող քրդամետ «Ժողովուրդների հավասարության և ժողովրդավարության» կուսակցության (DEM) խոսնակ Այշեգյուլ Դողանը պահանջել է, որ «Քուրդիստանի բանվորական կուսակցության» (ՔԲԿ-PKK) հիմնադիր-առաջնորդ Աբդուլլահ Օջալանը՝ առանց միջնորդների հանրության հետ կապ հաստատելու հնարավորություն ունենալ և նշել, որ դա կարող է արագացնել թուրք-քրդական խնդրի լուծմանը միտված գործընթացը։
Դողանի խոսքով՝ Օջալանի քաղաքական դերի, մոտեցումների ճանաչումը կարող է նպաստել գործընթացի առաջընթացին։ Նա ընդգծել է, որ ներկայումս գտնվում են «կրիտիկական փուլում»՝ նշելով, որ հարցը չի կարելի վերածել մակերեսային քննարկումների։ DEM-ի խոսնակը նաև հայտարարել է, որ գործընթացը պետք է իրականացվի իրավական հիմքի վրա՝ ընդգծելով քաղաքականությունը մշտապես բռնությունից զերծ պահելու և դրա օրենսդրական հիմքերի վրա ամրապնդելու անհրաժեշտությունը:
Դողանը հավելել է, որ գործընթացը պետք է լինի առավել թափանցիկ՝ նշելով, որ լրագրողները, ինչպես նաև տարբեր ոլորտների ներկայացուցիչները պետք է ուղիղ Օջալանին հարցեր տալու հնարավորություն ունենան:
Աղբյուր՝ Arti Gercek
