Թուրքիայի նախագահ Ռեջեփ Թայիփ Էրդողանի որդին, «Գիտելիքների տարածման հիմնադրամի հոգաբարձուների խորհրդի» նախագահ Բիլալ Էրդողանը Լոնդնում մասնակցել է «Միջազգային ժողովրդավարների միության» և «Հայրենիքից դուրս թուրքերի և բարեկամ համայնքների նախագահության» կողմից կազմակրեպված միջոցառումներին:
Դրանց շրջանակներում Բիլալը հայտարարություններ է արել թուրքական սփյուռքի մասին՝ ասելով. «Թուրքիան ուժեղանում է, երբ սփյուռնք է ուժեղանում, իսկ սփյուռքը՝ երբ Թուրքիան է ուժեղանում»:
Բացի այդ, Բիլալը խոսել է աշխարհում բնակվող մահմեդականների մասին. «Եթե 2 միլիարդ մուսուլման կարգի բերեն իրենց տունը և ընտրեն այս ուղին՝ հավատալով, որ դա լավագույնը կլինի, մուսուլմանները կարող են ստանձնել այս քաղաքակրթական ժառանգությունը։ Չկա այլ ազգ, որը ցանկանա կանխել աշխարհում ընթացող դեգրադացիան».- ասել է նա:
Այս համատեքստում վերջինս անդրադարձել է նաև հոր՝ Էրդողանի «ավելի արդար աշխարհ» գաղափարախոսությանը և ընդգծել, որ դրա վերաբերյալ Թուրքիայի նախագահը բազմաթիվ ուղերձներ է հղել միջազգային հարթակներում:
Աղբյուր՝ Sabah
