Թուրքիայի նախագահ Ռեջեփ Թայիփ Էրդողանը իշխող «Արդարություն և զարգացում» կուսակցության (ԱԶԿ-AKP) խորհրդարանական խմբի հետ հանդիպումից հետո պատասխանել է լրագրողների հարցերին: Թղթակիցներից մեկը, անդրադառնալով Թուրքիայի նախագահի ելույթին, այն նմանեցրել է «հրաժեշտի և ընտրություններին ընդառաջ նախապատրաստական ելույթի», Էրդողանն էլ հակադարձել է. «Կարծում ես՝ այդպե՞ս է»:
Թուրքական մամուլում հրապարակվող նյութերում Էրդողանի և լրագրողի միջև տեղի ունեցած կարճատև զրույցը հիմնականում վերնագրվել «Էրդողանի ուշագրավ պատասխանը հրաժեշտի մասին հարցին» ձևակերպմամբ:
Հավելենք նաև, որ լրագրողի հետ զրույցն այդպիսով չի ավարտվել. Էրդողանի պատասխանից հետո թղթակիցն իսկույն փոխել է իր ձևակերպումը և նշել. «Ոչ, պարո՛ն, ոչ թե հրաժեշտի, այլ նոր սկզբի ելույթի էր նման»: Շարունակելով նախագահի հետ զրույցը՝ լրագրողն Էրդողանին հարցրել է, թե արդյոք նա կլինի Ստամբուլում զոհաբերության տոնին (Kurban Bayram):
– Դեռ պարզ չէ,- կատակել է Թուրքիայի նախագահը,- ինչպես կինս կասի:
Աղբյուր՝ Son Dakika
