Իրանի արտգործնախարարության մամուլի խոսնակ Իսմայիլ Բաղային պաշտոնապես անդրադարձել է ԱՄՆ-ի և Իրանի միջև ընթացող անուղղակի բանակցություններին և բարձր գնահատել տարածաշրջանային երկրների, հատկապես Թուրքիայի դիվանագիտական գործունեությունը:
Բաղային հայտարարել է, որ Թեհրանն իր երախտագիտությունն է հայտնում Թուրքիային, որը որպես հարևան երկիր «չափազանց արժեքավոր ջանքեր է գործադրել» հավասարակշռված դիվանագիտություն վարելու տեսանկյունից և կուլիսներում ներգրավված է եղել գործընթացում:
Իրանի ԱԳՆ խոսնակն անդրադարձել է նաև Հորմուզի նեղուցի կառավարման հարցին՝ նշելով, որ դա բացառապես հարակից երկրների իրավասությունն է, իսկ Անկարայի հետ քննարկումները վերաբերում են միջազգային առևտրի համար նեղուցով ազատ տեղաշարժի ապահովմանը:
Բաղային հավելել է, որ չնայած բանակցություններում զգալի առաջընթացին, ԱՄՆ ներքաղաքական անկայուն որոշումների պատճառով այս պահին վաղ է խոսել համաձայնագրի շուտափույթ ստորագրման մասին:
Աղբյուր՝ Türkiye Gazetesi
