Թուրքիայի պաշտպանության նախարարությունը արձագանքել է Ֆրանսիայի և Կիպրոսի միջև ստորագրված «Ուժերի կարգավիճակի մասին» համաձայնագրին։ Թուրքական կողմը հայտարարել է, որ Ֆրանսիան Կիպրոսում երաշխավորի կարգավիճակ չունի, իսկ նշված համաձայնագիրը խախտում է միջազգային իրավունքն ու Հյուսիսային Կիպրոսի թուրքական ինքնահռչակ հանրապետության (ՀԿԹՀ) իրավունքները։
«Թուրքական զինված ուժերն ունեն ողջ ուժն ու վճռականությունը՝ ամենախիստ պատասխանը տալու Կիպրոսի թուրքերի անվտանգությանը սպառնացող թշնամական վերաբերմունքին»,- ասված է նախարարության հայտարարության մեջ։
Բացի այդ, նախարարության հաղորդագրության մեջ նշվել է, որ Թուրքիան որպես երաշխավոր երկիր շարունակելու է պաշտպանել ինքնահռչակ ՀԿԹՀ-ի շահերն ու իրավունքները՝ ապահովելով դրա անվտանգույթունը։
Աղբյուր՝ Trt Haber
