Թուրքիայի նախագահ Ռեջեփ Թայիփ Էրդողանը հայտարարել է, որ ԱՄՆ-ի և Իրանի միջև խաղաղության հասատման համաձայնագրի շուրջ ձեռք բերված համաձայնությունը կարևոր քայլ է տարածաշրջանում լարվածության նվազեցման ուղղությամբ։
Կառավարության նիստից հետո Էրդողանը նշել է, որ Թուրքիան ճգնաժամի ողջ ընթացքում հանդես է եկել զսպվածության և դիվանագիտական լուծումների օգտին՝ համագործակցելով դաշնակիցների և Պարսից ծոցի երկրների հետ։
Նրա խոսքով՝ «համաձայնությունը հնարավորություն է տալիս փակել հազարավոր խաղաղ բնակիչների կյանք խլած հակամարտության էջը և հույս ներշնչում տարածաշրջանում կայուն խաղաղության ու անվտանգության հաստատման համար»։
Էրդողանը շնորհավորել է համաձայնության ձեռքբերմանը նպաստած ԱՄՆ-ի և Իրանի ղեկավարություններին, ինչպես նաև միջնորդական դեր կատարած Պակիստանին ու բանակցություններին աջակցած Կատարին և Սաուդյան Արաբիային։ Նա նաև ցավակցություն ու աջակցություն է հայտնել հակամարտությունից տուժած տարածաշրջանային երկրներին։
Հիշեցնենք, որ Հունիսի 15-ին կողմերը նախաստորագրել են խաղաղության համաձայնագիրը, իսկ վերջնական ստորագրումը նախատեսվում է հունիսի 19-ին, Շվեյցարիայում:
Աղբյուր՝ Trt Haber
