Թուրքիայի նախագահականի հանրային կապերի վարչությունը հայտնում է, որ հեռախոսազրույց է կայացել Թուրքիայի նախագահ Ռեջեփ Թայիփ Էրդողանի և ՄԱԿ-ի գլխավոր քարտուղար Անտոնիո Գուտերեշի միջև:
Օրակարգում են եղել տարածաշրջանային և համաշխարհային նշանակության հարցեր: Էրդողանը նշել է, որ Թուրքիան խաղաղության և կայունության հաստատմանը միտված մի շարք քայլեր է ձեռնարկել Իրանում, Գազայում, Աֆրիկայում և մի շարք այլ վայրերում: Վերջինս, խոսելով ԱՄՆ-ի և Իրանի միջև առկա խնդիրների դիվանագիտական ճանապարահով լուծման հնարավորության մասին, նշել է, որ անհրաժեշտ է այն շատ լավ վերլուծել, ապա հավելել, որ այժմ միջազգային հանրությունն է պատասխանատու գործընթացը սաբոտաժի չենթարկելու համար:
Թուրքիայի նախագահը կարևորել է Սիրիայում ՄԱԿ-ի առաքելության արդյունավետ գործունեության շարունակումը, ինչպես նաև ընդգծել, որ Թուրքիան շարունակելու է այդ հարցում անհրաժեշտ աջակցություն տրամադրել:
Հանդիպման ընթացքում անդրադարձ է կատարվել նաև Կիպրոս կղզու շուրջ տեղի ունեցած վերջին զարգացումներին և Գազայում ու Լիբանանում տիրող հումանիտար իրավիճակին:
Աղբյուր՝ Trt Haber
