Թուրքիայի փոխնախագահ. «Մեքքայի համաձայնագիրը պատմական քայլ է»

Թուրքիայի փոխնախագահ Ջևդեթ Յըլմազն անդրադարձել է Թուրքիայի, Սաուդյան Արաբիայի և Պակիստանի միջև ստորագրված «Համատեղ պաշտպանության Մեքքայի համաձայնագրին»։ Անկարայում Պակիստանի անկախության օրվան նվիրված միջոցառման ժամանակ նա այս փաստաթուղթը որակել է որպես «պատմական քայլ», որն արտահայտում է երեք «եղբայրական երկրների» վճռականությունը՝ սեփական ուժերով «պաշտպանելու տարածաշրջանային խաղաղությունն ու կայունությունը»։

Յըլմազն ընդգծել է, որ Թուրքիայի և Պակիստանի հարաբերությունները հիմնված են խորը պատմական արմատների և փոխադարձ աջակցության վրա։ Ներկայումս երկրները զարգացնում են բազմակողմանի ռազմավարական գործընկերություն ռազմարդյունաբերության, անվտանգության, էներգետիկայի և տնտեսության ոլորտներում։ Նրա խոսքով՝ Անկարայի նպատակն է քաղաքական բարձր մակարդակի հարաբերությունները վերածել ավելի սերտ տնտեսական գործակցության՝ ի նպաստ երկու ժողովուրդների բարօրության։

Հիշենցնք, որ Թուրքիան, Սաուդյան Արաբիան և Պակիստանը ռազմական դաշինք ստեղծելու մասին համաձայնագիրը ստորագրել էին օգոստոսի 7-ին Մեքքայում: Ստորագրումից հետո համաձայնագրին անդրադարձել էր Թուրքիայի ԱԳ նախարար Հաքան Ֆիդանը: Նա հայտարարել էր, որ համաձայնագիրը հիմնված է կոլեկտիվ պաշտպանության սկզբունքի վրա (ՄԱԿ-ի կանոնադրության 51-րդ հոդվածի համաձայն) և շեշտել, որ 3 երկրից որևէ մեկի վրա զինված հարձակումը կդիտարկվի որպես հարձակում բոլոր կողմերի վրա։

Աղբյուր՝ TRT Haber