Թուրքիայում գլխավոր ընդդիմադիր ուժ համարվող «Ժողովրդահանրապետական» (ԺՀԿ-CHP) կուսակցության առաջնորդ Օզգյուր Օզելն անդրադարձել է Թուրքիայի նախագահ Ռեջեփ Թայիփ Էրդողանի և ԱՄՆ նախագահ Դոնալդ Թրամփի միջև սպասվող հանդիպմանը:
Օզելը, Էրդողանին մեղադրելով Պաղեստինում տեղի ունեցող արնահեղության ու ճնշումների վերաբերյալ լռելու մեջ, ասել է, որ եթե վերջինս ԱՄՆ գնար Գազայում թափվող արյունը դադարեցնելու համար, ինքն անձամբ կգնար և կճանապարհեր նրան:
«Թուրքիայում առկա հակադեմոկրատակն գործընթացների համար սնվում է Թարմփից ու լռում ճնշումների մասին: Թո՛ղ ուղիղ եթերում Boeing-ի պատվեր տալու փոխարեն ասի Թրամփին՝ «Դու ինչպե՞ս ես Նեթանյահուին ասում հերոս, նա ցեղասպան է»»,-հայտարարել է Օզելը:
Շարունակելով Էրդողանի հասցեին հնչեցվող մեղադրանքները՝ վերջինս պնդել է, որ եթե Թուրքիայի նախագահն ասի դա Թրամփին, ապա Անակարա վերադառնալիս ինքն անձամբ կդիմավորի Էրդողանին:
«Թո՛ղ Թրամփին իր տեղը ցույց տա, Օզգյուր Օզելն էլ կգնա Էսենբողա (Անկարայում գտնվող միջազգային օդանավակայան) և կսեղմի նրա ձեռքը: Դե՛ տեսնենք, մարտահրավերը նետված է»,- հայտարարել է գլխավոր ընդդիմադիր կուսակցապետը:
Աղբյուր՝ Gazeteoksijen
Կործանված ինքնաթիռը՝ Թուրքիայի կառավարության նիստի օրակարգում
Նոյեմբերի 17-ին Թուրքիայի նախագահ Ռեջեփ Թայիփ Էրդողանի գլխավորությամբ կքննարկվեն օրակարգային մի շարք հարցեր:
