Թուրքիայի նախագահ Ռեջեփ Թայիփ Էրդողանը հանդիպել է Ֆրանսիայի նախագահ Էմանուել Մակրոնի հետ։ Հանդիպմանը ներկա են եղել Թուրքիայի ազգային հետախուզության ղեկավար (MİT) Իբրահիմ Քալընը, արտգործնախարար Հաքան Ֆիդանը, ինչպես նաև Ֆրանսիայի ԱԳՆ-ի ղեկավար Ժան-Նոել Բարոն։ Հանդիպումը կայացել է Նյու Յորքում գտնվող «Թուրքական տանը»։
Թուրքիայի նախագահի աշխատակազմի հանրային կապերի վարչության հաղորդագրության համաձայն՝ հանդիպման ընթացքում քննարկվել են թուրք-ֆրանսիական հարաբերությունները, ինչպես նաև տարածաշրջանային և գլոբալ հարցեր` այդ թվում ռուս-ուկրաինական հակամարտությունը, Պաղեստինի ու Սիրիայի խնդիրները։
Աղբյուր՝ İletisim Başkanlığı
