Թուրքիայի Ազգային Մեծ ժողովի (TBMM) պաշտպանության հանձնաժողովի նախագահ Հուլուսի Աքարը մեկնել է Փարիզ, որտեղ հանդիպել է Ֆրանսիայի Սենատի արտաքին գործերի, պաշտպանության և զինված ուժերի հանձնաժողովի նախագահ Սեդրիկ Պերրինի հետ։ Հանդիպմանը քննարկվել են Մերձավոր Արևելքում վերջին զարգացումները և պաշտպանության ոլորտում երկու երկրների միջև համագործակցությունը։
Հանդիպում է եղել նաև Ֆրանսիայի խորհրդարանի Ֆրանսիա-Թուրքիա միջխորհրդարանական բարեկամության խմբի նախագահ Ժան-Լուի Ռումեգասի հետ։ Հանդիպման ժամանակ մտքեր են փոխանակվել երկու երկրների միջև հարաբերությունների, տարածաշրջանային համագործակցության և միջխորհրդարանական երկխոսության խորացման վերաբերյալ։
Աքարը նաև հանդիպել է Ֆրանսիայի խորհրդարանի պաշտպանության և զինված ուժերի հանձնաժողովի նախագահ Ժան-Միշել Ժակի հետ, որի ժամանակ քննարկել են տարածաշրջանային խաղաղությանն ու կայունությանը նպաստող համատեղ քայլերը։ Աքարը ընդգծել է, որ այս շփումները կնպաստեն թուրք-ֆրանսիական հարաբերությունների ամրապնդմանը։
Աքարը և նրան ուղեկցող հանձնաժողովի անդամները հանդիպել են նաև Թուրքիայի արտգործնախարար Հաքան Ֆիդանի հետ, որը գտնվում էր Փարիզում ՝ մասնակցելու Պաղեստինի խաղաղության ծրագրի շուրջ բանակցություններին։
Աղբյուր՝ TRT Haber
