Թուրքիայի միջնորդության արդյունքում Իսրայելը թույլ է տվել Գազայի հատվածից դուրս գալ 66 մարդու։ Նրանց թվում եղել է նաև ՀԱՄԱՍ-ի հանգուցյալ առաջնորդ Իսմայիլ Հանիյեի ընտանիքի 16 անդամ։
«Middle East Eye»-ի տվյալներով՝ Գազայից դուրս բերված անձանց մեջ եղել են ինչպես պաղեստինցիներ, այնպես էլ Թուրքիայի քաղաքացիներ։ Նշվում է, որ Իսրայելի համաձայնությունը տրվել է Թուրքիայի ներկայացրած ցուցակի հիման վրա։
Տեղեկության համաձայն՝ այս որոշումը կայացվել է հոկտեմբերին Գազայում ձեռք բերված հրադադարի համաձայնությունից հետո, երբ Թուրքիան մասնակցել էր միջնորդական գործընթացին՝ նպաստելով ՀԱՄԱՍ-ի ներկայացուցիչների ներգրավմանը բանակցությունների սեղանին։
Աղբյուր՝ Haberler.com
