«Հայաստանի ու Ադրբեջանի մասին երբ խոսում ենք, պետք է հասկանանք, որ խաղաղությունը հաստատված է, պայմանագիրը նախաստորագրված է, բայց մնում են հարցեր որոնք ենթական են կարգավորման»:
Այդ մասին «Օրբելի կենտրոնի» կազմակերպած համաժողովում հայտարարել է ՀՀ արտգործնախարար Արարատ Միրզոյանը։ Վերջինս նշել է, որ երկու երկրների քաղաքացիների միջև հարաբերությունները, միջհասարակական կապերը դեռևս մնում են չլուծված։ Ըստ նախարարի՝ հասարակութուններն ունեն վերքեր, տրավմաներ և դրա լուծման համար ժամանակ է պահանջվում։
«Ո՛չ մենք, ո՛չ Ադրբեջանն առաջինը չենք, որ կոնֆլիկտից հետո այս ճանապարհն ենք անցնում։ Մենք խրախուսելու ենք երկու երկրների քաղաքացիների միջև կապերը»,- նշել է Միրզոյանը։
Ըստ նրա` Թուրքիայի հետ հարաբերությունները հայելային հակապատկերն են Ադրբեջանի հետ եղած հարաբերությունների։ Թուրքիայի պարագայում տասնամյակներով փակ սահմաների պայմաններում մարդիկ այցելել են, առևտուր են արել։ Խնդիրն այն է եղել, որ երրորդ երկրիրի միջոցով է եղել։
«Ինտեսիվ ու բովանդակային քաղաքականություն ունենք Թուրքիայի հետ»,- ընդգծել է Միրզոյանը։
Անդրադառնալով երկկողմ չվերթներին՝ Միրզոյանը նշել է, որ Հայաստանի և Թուրքիայի միջև թռիչքներ եղել են, պայմանավորվածություն կա ավելացնելու դրանք՝ դեպի Երևան, Գյումրի, և ըստ այդմ՝ Ստամբուլ, միգուցե նաև Անկարա։
Աղբյուր` Ermeni Haber
