Թուրքիան հերքել է ԱՄՆ-ի հնարավոր հարձակման դեպքում Իրան ներխուժելու մասին լուրերը

Թուրքիայի նախագահականի Հանրային կապերի վարչության ապատեղեկատվության դեմ պայքարի կենտրոնը հերքել է Իրանի վրա ԱՄՆ-ի հնարավոր հարձակման դեպքում թուրքական զորքի՝ Իրանի տարածք ներխուժելու մասին լուրերը։ Նման լուր հրապարակել էր ամերիկյան «Bloomberg» լրատվական գործակալությունը, որտեղ նշվել էր ԱՄՆ-ն աշխատում է Թուրքիայի անվտանգության տարբեր սցենարների վրա՝ Իրանի վրա հնարավոր հարձակման դեպքում։ Տարբերակներից մեկը զանգվածային միգրացիայի ռիսկի դեպքում Իրանի տարածքում բուֆերային գոտի ստեղծելն է։

«Մեր պետությունը, որը միշտ հարգել է հարևան երկրների տարածքային ամբողջականությունն ու ինքնիշխանությունը, ձեռնարկում է անհրաժեշտ միջոցներ՝ մեր սահմանային անվտանգությունն ապահովելու համար 24/7 ռեժիմով՝ անկախ այն բանից ճգնաժամեր կա՞ն, թե ոչ»,- նշված է հաղորդագրության մեջ։

Թուրքիայի նախագահականի ապատեղեկատվության դեմ պայքարի կենտրոնը նշել է, որ նման լուրերը ոչ թե արտացոլում են ճշմարտությունը, այլ պարզապես ապատեղեկատվություն են։

Աղբյուր՝ Bir Gün