Սոցիալական ցանցերում շրջանառվում են տարատեսակ պնդումներ այն մասին, որ Թուրքիան ևս կհարձակվի Իրանի Իսլամական Հանրապետության վրա։ Օգտատերերը նշում են, որ Թրամփը Թուրքիային հանձնարարել է հարձակվել Իրանի վրա, և Թուրքիան մաս է կազմում Իրանի դեմ գաղտնի ռազմական ծրագրին։ Բայց այդ նշվում է նաև, Թուրքիան Իրանի դեմ պատերազմին մասնակցելու դիմաց ԱՄՆ-ից պահանջել է վերացնել CAATSA պատժամիջոցները։
Նշված պնդումները հերքվել են Թուրքիայի նախագահականի ապատեղեկատվության դեմ պայքարի կենտրոնից։ Տարածված պաշտոնական հաղորդագրության մեջ նշվում, էր որ վերոհիշյալ պնդումները չեն համապատասխանում իրականությանը։
«Թուրքիան, որպես անկախ և ինքնիշխան պետություն, իր արտաքին քաղաքականության ու անվտանգության որոշումները կայացնում և իրագործում է բացառապես ինքնուրույն։ Հակառակ բնույթի հայտարարությունները լիովին անհիմն և չարամիտ են։ Թուրքիայի կողմից Իրանի դեմ պատերազմ սկսելու մասին խոսք լինել չի կարող»,-ասվում է հերքման տեքստում և հանրությանը կոչ է արվում չհավատալ հանրային կարծիքը մանիպուլացնելու նպատակով տարածվող նմանբովանդակ նյութերին։
Աղբյուր՝ ulketv.com
