Անկարայում կայացել է «Սիրիայի ազատ առևտրի և արդյունաբերական գոտիներն ու ներդրումային միջավայրը» խորագրով հանդիպում, որտեղ քննարկվել են Թուրքիայի և Սիրիայի միջև առևտրատնտեսական կապերի զարգացման հեռանկարները։
Թուրքիայի առևտրի նախարար Օմեր Բոլաթը հանդիպման ընթացքում հայտարարել է, որ Նուսայբինի և Ղամիշլոյի միջև գտնվող մաքսակետը մինչև տարեվերջ առևտրային, ուղևորափոխադրման և տարանցիկ փոխադրումների համար վերաբացելու աշխատանքներն արագացվել են:
Այդպիսով, 1967-ին բացված և 2011-ին սիրիական ճգնաժամի պատճառով փակված Նուսայբին-Ղամիշլո անցակետի վերաբացմամբ երկու երկրների միջև 24-ժամյա ռեժիմով գործող մաքսակետերի թիվը կհասնի 7-ի:
Բոլաթը նշել է նաև, որ Թուրքիայի և Սիրիայի միջև ապրանքաշրջանառությունը նախորդ տարի աճել է ավելի քան 40%-ով՝ հասնելով շուրջ 3.75 մլրդ, իսկ կողմերի նպատակն է այդ ցուցանիշը հասցնել 10 մլրդ դոլարի:
Աղբյուր՝ Rudaw
