Թուրքիայի նախագահ Ռեջեփ Թայիփ Էրդողանը Բիշքեկում հանդիպել է Ռուսաստանի նախագահ Վլադիմիր Պուտինի հետ։ Էրդողանը նշել է, որ ռուս-թուրքական հարաբերություններն այսօր իսկապես շատ ավելի բարձր մակարդակի վրա են, քան երբևէ։
Էրդողանն ընդգծել է, որ ռուս զբոսաշրջիկների նշանակությունը Թուրքիայում շատ մեծ է ու Անթալիայի ամենակարևոր զբոսաշրջային ցանցը կազմված է ռուս զբոսաշրջիկներից։
Խոսելով Աքքույուի ատոմակայանի մասին՝ Թուրքիայի նախագահը նշել է, որ այն մեծ նշանակություն ունի Թուրքիա-Ռուսաստան հարաբերություններում։
«Մենք այժմ գտնվում ենք Աքքույուի ատոմակայանի նախագծի վերջին փուլում։ Մենք հիմա սպասում ենք ատոմակայանի նախագծի ավարտին և բացմանը։ Դրա բացմամբ մենք քայլեր կձեռնարկենք միասին մի քանի նոր էլեկտրակայաններ բացելու համար։ Ունենք ամուր գործընկերություն գյուղատնտեսության և էներգետիկայի ոլորտներում»,- նշել է Էրդողանը։
Նշենք, որ հանդիպմանը ներկա են գտնվել Թուրքիայի արտգործնախարար Հաքան Ֆիդանը և Հետախուզական ծառայության (MİT) ղեկավար Իբրահիմ Քալընը։
Աղբյուր՝ TRT Haber
