Իսրայելցի անվտանգային հարցերով վերլուծաբան Շայ Գալը կոչ է արել Կիպրոսի և Իսրայելի միջև «Ընդհանուր շահերի համաձայնագիր» ստորագրել՝ հակազդելու Թուրքիայի աճող ազդեցությանը։
Շայ Գալի խոսքով՝ Անկարան այսօր տարածաշրջանում և Արևելյան Միջերկրականում ունի անսասան ռազմական ու քաղաքական ուժ, իսկ նրա ներկայությունը Հյուսիսային Կիպրոսում (նկատի է առնվել Հյուսիսային Կիպրոսի թուրքական ինքնահռչակ հանրապետությունը) բավականին ուժեղ է:
Վերլուծաբանը շեշտել է, որ Իսրայելի, Հունաստանի և Կիպրոսի համագործակցությունը պիտի չլինի զուտ խորհրդանշական, այլ ձևավորի մշտական դաշինք, որը կապահովի «երկու ժողովուրդների անվտանգությունը միմյանց կապող տևական համաձայնություն»։
Թուրքական մամուլում վերլուծաբանի այդ դիտարկումները որակվել են հետևյալ կերպ. «Իսրայելում խուճապ է Թուրքիայի պատճառով»:
Աղբյուր՝ Aksam
