ASAL հետազոտական ընկերության կողմից Թուրքիայի 26 նահանգում սոցհարցում է իրականացվել, որի շրջանակում քաղաքացիներին ուղղվել է «Ո՞վ է Թուրքիայի բարեկամը, ո՞վ՝ թշնամին» հարցը։
Արդյունքում որոշ երկրներ առանձնացվել են որպես «բարեկամ», մինչդեռ մի շարք երկրներ էլ՝ որպես «թշնամի»։
Հարցման արդյունքների համաձայն՝ Թուրքիայի ամենաբարեկամական երկիր է ճանաչվել Ադրբեջանը։ Այսպես է մտածում հարցման մասնակիցների 66 տոկոսը։ Հարցվածների 58.4 տոկոսի կարծիքով Ճապոնիան նույնպես բարեկամ երկիր է Թուրքիայի համար։
Մինչդեռ հարցվածների 83 տոկոսը կարծում է, որ Թուրքիայի համար ամենաթշնամական երկիրը Իսրայելն է։
Ուշագրավ է, որ հարցման մասնակիցների 74․6 տոկոսը թշնամի երկիր է համարում Ամերիկայի Միացյալ Նահանգներին, իսկ 61․5 տոկոսը՝ Հունաստանին։
Աղբյուր՝ Kamudanhaber
