Թուրքիան շարունակելու է սերտ կապերն Ադրբեջանի հետ

Թուրքիայի նախագահի աշխատակազմի հանրային կապերի վարչության ղեկավար Բուրհանեթթին Դուրանն Անթալիայի ֆորումի շրջանակներում հանդիպել է Ադրբեջանի նախագահի օգնական և նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևի հետ։ Ըստ Թուրքիայի նախագահի աշխատակազմի հանրային կապերի վարչության տարածած հայտարարության՝ հանդիպման ընթացքում անդրադարձ է կատարվել հաղորդակցության, մեդիայի և հանրային դիվանագիտության ոլորտներում հնարավոր համատեղ քայլերին։

Կողմերը վերահաստատել են ապատեղեկատվության դեմ պայքարի, ճշգրիտ տեղեկատվության արդյունավետ տարածման և ռազմավարական հաղորդակցության ոլորտի համակարգման ուժեղացման հարցերում իրենց համաձայնությունը։ Նաև նշել են, որ Թուրքիայի նախագահ Ռեջեփ Թայիփ Էրդողանի ներկայացրած տեսլականի շրջանակում շարունակելու են սերտ կապեր պահպանել և զարգացնել ամուր համագործակցությունը Ադրբեջանի հետ։

Աղբյուր՝ TRT Haber