Ստամբուլի Ֆաթիհի շրջանում գտնվող համեմունքների շուկայում հրդեհ է բռնկվել, որի պատճառով տարածքում առաջացել է խուճապ։ Դեպքի վայր են ժամանել հրշեջ ծառայության, շտապօգնության և ոստիկանության աշխատակիցներ։
Հրդեհի բռնկման պատճառը դեռևս հայտնի չէ։ Թուրքական լրատվամիջոցների փոխանցմամբ, կրակը արագ տարածվել է շուկայի տարածքում՝ առաջացնելով մեծ խուճապ ինչպես առևտրականների, այնպես էլ այցելուների շրջանում։
Իրավապահների և հրշեջների օպերատիվ գործողությունների արդյունքում հրդեհը հաջողվել է մարել։ Նախնական տվյալներով՝ շուկան կրել է զգալի նյութական վնասներ։
Աղբյուր՝ Haber7
