Թուրքիայում աղքատության խորացումը մտահոգիչ չափերի է հասել։ «Թուրքիայի վիճակագրական ինստիտուտի» (TÜİK) 2025-ի տվյալներով՝ երկրում երեխաների 36.8 տոկոսը կանգնած է աղքատության և կամ սոցիումից դուրս մնալու վտանգի առաջ:
«TÜİK»-ի տվյալների հիման վրա հայտարարությամբ է հանդես եկել Թուրքիայի գլխավոր ընդդիմադիր ուժի՝ «Ժողովրդահանրապետական» կուսակցության (ԺՀԿ-CHP) պատգամավոր Քադիմ Դուրմազը՝ խորհրդարան ներկայացնելով աղքատության պատճառների և սոցիալական հետևանքների ուսումնասիրման առաջարկ։ Նրա խոսքով՝ պաշտոնական վիճակագրությունը հակասում է իշխանությունների «աղքատությունը նվազում է» հայտարարություններին։
Դուրմազը նշել է նաև, որ Թուրքիայում հարաբերական աղքատության մակարդակը կազմում է 13 տոկոս՝ գերազանցելով «Տնտեսական համագործակցության և զարգացման կազմակերպության» (OECD) միջին ցուցանիշը։ Վերջինս երեխաների վիճակն առավել մտահոգիչ է համարել՝ հարցը կապելով երկրի ապագայի հետ: «Դա ծանր հարված է երկրի ապագային»,- հավելել է նա:
Աղբյուր՝ Evrensel
