ՆԱՏՕ-ի գլխավոր քարտուղար Մարկ Ռուտտեն մեկնել է Անկարա՝ մասնակցելու հուլիսի 7-ից 8-ը կայանալիք ՆԱՏՕ-ի անդամ երկրների ղեկավարների 36-րդ գագաթնաժողովին։ Այցից առաջ Ռուտտեն Բրյուսելի իր գրասենյակից ուղերձ էր հղել ու նշել, որ գագաթնաժողովը կկենտրոնանա արդյունքների վրա։
«Մենք անցյալ տարի Հաագայում շատ բանի հասանք, բայց հիմա մենք պետք է կատարենք այնտեղ տրված խոստումները: Սա նշանակում է ծախսեր: Մենք պետք է քննարկենք հավաստի ծախսերի ծրագրեր՝ ապահովելու համար, որ բոլոր երկրները ճիշտ ուղու վրա են՝ հասնելու 5% նպատակին»,- նշել է նա:
Ռուտտեն նաև հավելել է, որ կքննարկվի ռազմական արտադրանքին ու Ուկրաինային տրվող շարունակական աջակցությանը վերաբերող հարցեր:
Նշենք, որ Թուրքիան ՆԱՏՕ-ի առաջնորդների գագաթնաժողովը կհյուրընկալի 2-րդ անգամ՝ 2004-ի Ստամբուլի գագաթնաժողովից ի վեր։
Աղբյուր՝ NTV
