Թուրքիայի Ադանա նահանգի Սեյհան շրջանում գողության արտառոց դեպք է եղել։ Տեսախցիկները ֆիքսել են, թե ինչպես են երկու տղամարդ սև չադրաներ հագած գողություն կատարում ուրիշի բնակարանից։ Նշենք, որ չադրան գլխից մինչև ոտքեր ծածկող իսլամական հագուստ է, որը, շարիաթի օրենքների համաձայն, կրում են կանայք։
Գողերի մուտքի ու ելքի պահերը ֆիքսել են փողոցի տեսախցիկները։ Ոստիկանությունն անվտանգության տեսախցիկների տեսագրությունները վերանայելուց հետո նույնականացրել է կասկածյալներին ու ձերբակալել թաքստոցում։
Խուզարկության ժամանակ առգրավվել է չարտոնված ատրճանակ, փամփուշտներ և մարիխուանա։ Կասկածյալներից մեկը ձերբակալվել է, իսկ մյուսն ազատ է արձակվել դատական վերահսկողության պայմանով։
Աղբյուր՝ Hürriyet
