Ամերիկյան «Pew» հետազոտական կենտրոնի 2025 թվականի զեկույցի համաձայն՝ Թուրքիան գտնվում է այն երկրների շարքում, որտեղ հասարակական վստահության մակարդակը ամենացածրն է։ Չափահասների միայն 14 տոկոսն է կարծում, որ մարդկանց մեծամասնությանը կարելի է վստահել։
Նշենք, որ հետազոտությունում, որտեղ ընդգրկված է 25 երկիր, Թուրքիան միջին եկամուտ ունեցող երկրների շարքում ունի հասարակական վստահության ամենացածր մակարդակը։
Միջին եկամուտ ունեցող երկրների վստահության մակարդակները՝ ստորև
Մեքսիկա՝ 18%
Քենիա՝ 20%
Բրազիլիա՝ 22%
Հարավային Աֆրիկա՝ 27%
Միջին եկամուտ ունեցող 9 երկրի համար վստահության միջին ցուցանիշը կազմել է 27%, մինչդեռ Թուրքիան զգալիորեն զիջել է այս ցուցանիշին։
Վերջին տարիներին հասարակական վստահության փոփոխությունների դիտարկմամբ պարզվել է, որ Ինդոնեզիայում, Գերմանիայում և Շվեդիայում վստահության մակարդակը բարձրացել է, մինչդեռ Թուրքիայում որևէ աճ չի նկատվել։ 2024 և 2025 թվականների տվյալների համեմատությամբ, Թուրքիայում վստահության ցուցանիշը մնացել է անփոփոխ՝ կազմելով 14%։
Հետազոտությունը ցույց է տվել, որ Թուրքիայում հասարակական վստահության մակարդակը կրոնական պատկանելության առումով էականորեն չի տարբերվում։ Մուսուլմանաբնակ երկրների շարքում Թուրքիան ամենացածր վստահության ցուցանիշն ունի։ Սա էլ իր հերթին ցույց է տալիս, որ վստահության ցածր մակարդակը հիմնականում պայմանավորված է տնտեսական, սոցիալական և ինստիտուցիոնալ գործոններով։
«Pew» կենտրոնի տվյալները փաստում են, որ Թուրքիայում միջանձնային վստահության մակարդակը զիջում է թե՛ համաշխարհային միջին ցուցանիշներին, թե՛ նման եկամուտ ունեցող երկրների ցուցանիշներին։
Աղբյուր՝ Kronos
