Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն հարցազրույց է տվել «Անադոլու» պետական լրատվական գործակալությանը։ Նա հայտարարել է, որ մինչև 2030 թվականը կգործարկվի այսպես կոչված, «Զանգեզուրի միջանցքը»։
Ուրալօղլուն ընդգծել է այսպես կոչված, «Զանգեզուրի միջանցքի» համար Կարս-Իգդիր-Արալըք-Դիլուջու երկաթուղային գծի կարևորությունը՝ իր 224 կիլոմետր երկարությամբ,՝ նշելով, որ նախագծի հիմքը դրվել է անցյալ տարի, և աշխատանքները շարունակվում են։
«Ադրբեջանական կողմը նույնպես շարունակում է աշխատանքները։ Նախիջևանի կողմում էլ կան որոշ անավարտ աշխատանքներ։ Ադրբեջանական կողմը, հավանաբար, կսկսի այս տարի։ Ինչպես գիտեք, Զանգեզուրի մյուս մասը/անցումը գործընթաց է, որը սկսվել էր ԱՄՆ-ի մասնակցությամբ։ Մենք այս տարի առաջընթաց ենք ակնկալում այնտեղ։ Մինչև 2030 թվականը Զանգեզուրի միջանցքը կգործարկենք»,- հավելել է նախարարը։
Աղբյուր՝ Anadolu ajansı
