Թուրքիայի հանրային կապերի վարչության ղեկավար Բուրհանեթթին Դուրանը հայտնել է, որ Թուրքիայի նախագահ Ռեջեփ Թայիփ Էրդողանը փետրվարի 3-ին մեկնելու է Սաուդիան Արաբիա, իսկ փետրվարի 4-ին՝ Եգիպտոս: Այս մասին Դուրանը տեղեկացրել է սոցցանցում կատարած գրառմամբ:
Վերջինիս գրառման համաձայն՝ Էրդողանը Սաուդիան Արաբիա է մեկնում թագաժառանգ Մուհամմադ բին Սալմանի հրավերով և կայանալիք հանդիպումների ընթացքում քննարկելու է երկու պետությունների միջև առկա համագործակցության խորացմանը միտված քայլեր: Օրակարգում են լինելու նաև տարածաշրջանային և համաշխարհային զարգացումները:
Բացի այդ, նշվել է, որ Ռիյադ այցից հետո Թուրքիայի նախագահը Կահիրեում իր եգիպտոսցի գործընկերոջ՝ Աբդել Ֆաթահ ալ-Սիսիի հետ միասին, ում հրավերով էլ հենց մեկնելու է Եգիպտոս, համանախագահելու է երկու երկրների միջև բարձր մակարդակի ռազմավարական համագործակցության խորհրդի 2-րդ նիստին:
Այս դեպքում քննարկվելու են երկկողմ օրակարգային հարցերը, ինչպես նաև տարածաշրջանային և միջազգային զարգացումները, այդ թվում՝ Պաղեստինի շուրջ տիրող իրավիճակը: Էրդողանը նաև մասնակցելու է այցի շրջանակներում կազմակերպվելիք «Թուրքիա-Եգիպտոս աշխատանքային համաժողովին»:
Աղբյուր՝ Trt Haber
