Թուրք ինժեներ Սինան Շահինը հրապարակել է կլիմայի փոփոխության վերաբերյալ համապարփակ հետազոտության արդյունքները։ Հետազոտությունը տևել է 9 ամիս, ուսումնասիրվել է Թուրքիայի ու Եվրոպական-Միջերկրականի ավազանը։ Թուրքիայի մեծ մասում, կանխատեսվում է, որ կգերակշռի տաք և չորային տափաստանային կլիման, իսկ ամենավատ սցենարի դեպքում որոշ շրջաններում հնարավոր է անցում դեպի անապատային կլիմայի։
Ըստ մասնագետի՝ կլիմայի փոփոխության ամենակարևոր հետևանքներից է լինելու ջրային ռեսուրսների վրա ազդեցությունը։ Դա բացասաբար է անդրադառնալու ջրի որակի վրա, իսկ խմելու ջրի հասանելիությունը կարող է դժվարանալ 2050-ից հետո։ Նրա խոսքով՝ կլիմայական փոփոխությունները կազդեն ոչ միայն բնության, այլ նաև տնտեսական ու սոցիալական կյանքի վրա, լուրջ խնդիրներ ստեղծելով հատկապես գյուղատնտեսության համար։
Շահինը նշել է, որ հնարավոր ռիսկերը նվազեցնելու համար պետք է խուսափել չպլանավորված շինարարությունից և կոչ արել ավելի շատ ծառեր տնկել ու պաշտպանել անտառները։ Խոսելով Եվրոպայի հյուսիսային մասերի կլիմայական փոփոխություններից՝ նա կանխատեսել է, որ առաջիկայում երաշտի վտանգ է սպառնում։
Աղբյուր՝ Bursadabugün
