Թուրքիան և Բելգիան խորացնում են ռազմարդյունաբերական գործակցությունը

Թուրքիայի պաշտպանության նախարար Յաշար Գյուլերը հանդիպել է Բելգիայի պաշտպանության և արտաքին առևտրի նախարար Թեո Ֆրանկենի հետ։ Կողմերը քննարկել են երկկողմ հարաբերությունները և տարածաշրջանային ռազմական հարցերը։ Առանձնազրույցից հետո տեղի է ունեցել ընդլայնված կազմով հանդիպում, որտեղ կողմերի միջև ստորագրվել է համաձայնագիր։

Այդ համաձայնագրով նախատեսվում է զարգացնել համագործակցությունը ռազմարդյունաբերության ոլորտում։ Ստորագրման արարողությանը ներկա են գտնվել նաև Թուրքիայի ռազմարդյունաբերության նախագահ Հալուք Գյորգյունը և Բելգիայի սպառազինության տնօրեն գեներալ-լեյտենանտ Բեռնար Ֆալեգը։

Աղբյուր՝ İLKHA