Ստամբուլում տեղի է ունեցել «Թուրքիա-Չինաստան հարաբերություններ. խնդիրներ և լուծումներ» խորագրով կոնֆերանս։ Այն նվիրված է Թուրքիայի ու Չինաստանի դիվանագիտական հարաբերությունների 55-ամյակին։ Համաժողովին ներկա են գտնվել ակադեմիկոսներ, դիվանագետներ, քաղաքական գործիչներ և բիզնես ոլորտի ներկայացուցիչներ, քննարկվել են երկու երկրների ռազմավարական համագործակցության և տարածաշրջանային հարցերը։
Ստամբուլում Չինաստանի գլխավոր հյուպատոս Վեյ Շյաոդոնգը նշել է, որ Թուրքիան և Չինաստանը «Գլոբալ հարավի» առաջատար դերակատարներ են ու նաև հավելել, որ երկու երկրներն էլ պահպանում են բազմավեկտորությունը։ Կոնֆերանսի ընթացքում քննարկվել է նաև երկու երկրների դերակատարման բարձրացումը համաշխարհային քաղաքականության մեջ, ինչպես նաև Չինաստանի Սինցզյան-Ույղուրական ինքնավար շրջանի կամրջող դերը այդ հարաբերություններում։
Աղբյուր՝ Yeniçağ
