Գերմանիայի կանցլեր Ֆրիդրիխ Մերցն Ուկրաինային առաջարկել է նոր հատուկ կարգավիճակ, որը կարելի է բնութագրել որպես «արտոնյալ անդամակցություն» Եվրամությունում (ԵՄ)։ Առաջարկի համաձայն՝ Ուկրաինան կկարողանա մասնակցել Եվրոպայի խորհրդի և ԵՄ Նախարարների խորհրդի նիստերին, բայց չի ունենա քվեարկության իրավունք։ Եվրոպական խորհրդարանում ևս կարող է ներկայացված լինել պատգամավորներով, բայց դարձյալ առանց քվեարկության իրավունքի։
Այդ մոտեցումը հիշեցրել է Գերմանիայի նախկին կանցլեր Անգելա Մերկելի կողմից 2004 թվականին Թուրքիային առաջարկած «արտոնյալ գործընկերության» մոդելը։ Այդ ժամանակ Անկարան մերժել էր առաջարկը՝ այն բնութագրելով որպես «երկրորդ կարգի անդամակցություն»։ Փոխարենը շեշտել էր ԵՄ-ին լիիրավ անդամակցելու իր հիմնարար նպատակը։
Գերմանիայի ներկայիս կառավարության օրակարգում ևս չկա Թուրքիայի ԵՄ անդամակցության հարցը։ Փոխարենը Մերցը Թուրքիային ևս առաջարկում է «ռազմավարական գործընկերություն»
Հիշեցնենք, որ Մերցը 2025-ին Անկարայում Թուրքիայի նախագահ Ռեջեփ Թայիփ Էրդողանի հետ հանդիպման ժամանակ հայտարարել էր, որ Թուրքիայի հետ հարաբերությունները հսկայական ներուժ ունեն՝ հավելելով. «Եկեք առաջիկա ամիսներին և տարիներին ավելի լավ օգտագործենք այդ ներուժը»։ Նա նաև նշել էր , որ երկու երկրները պետք է խորացնեն ռազմավարական գործընկերությունն ու ռազմավարական համագործակցությունը։
Աղբյուր՝ dw.com/tr
