Թուրքիայի արտաքին գործերի նախարարությունը հայտարարել է, թե իբր իրենք նպաստել են ՄԱԿ-ի Արդարադատության միջազգային դատարանում Իսրայելի պարտավորություններին վերաբերող խորհրդատվական գործընթացին՝ կատարելով գրավոր և բանավոր հայտարարություններ։
Գերատեսչության տարածած հայտարարության մեջ նշվում է, որ դատարանի եզրակացությունը հստակ ցույց է տվել, որ Իսրայելը խախտում է միջազգային իրավունքը՝ շարունակելով իր գործողությունները օկուպացված պաղեստինյան տարածքներում։
«Թուրքիան ճշմարտացի պայքարում շարունակելու է կանգնել Պաղեստինի ժողովրդի կողքին և վճռականորեն աջակցել միջազգային իրավունքի կիրառմանն ու արդարության հաստատմանն ուղղված ջանքերին», – ամփոփել է Թուրքիայի ԱԳՆ հայտարարությունը:
Աղբյուր՝ Trt Haber
