Թուրիքայի նախագահ Ռեջեփ Թայիփ Էրդողանը հեռախոսազրույց է ունեցել Վրաստանի նախագահ Միխայիլ Կավելաշվիլիի հետ: Հեռախոսազրույցի ընթացքում քննարկել են վրաց-ադրբեջանական սահմանին թուրքական ռազմական բեռնատար ինքնաթիռի կործանմանը վերաբերող հարցեր:
Ինչպես հայտնում է Թուրքիայի նախագահականի հանրային կապերի վարչությունը՝ կողմերը քննարկել են դեպքի վայրում իրականացվող աշխատանքներն ու վերջին զարգացումները: Էրդողանը շնորհակալություն է հայտնել վրացի գործընկերոջը՝ Վրաստանում իրականացվող աշխատանքներում համագործակցելու համար: Վրաստանի նախագահն էլ իր հերթին զոհերի կապակցությամբ ցավակցել է Թուրքիայի նախագահին:
Հիշեցնենք, որ Ադրբեջանից Թուրքիա ուղևորվող թուրքական ռազմական բեռնատար ինքնաթիռի կործանման պատճառների մասին պաշտոնական հայտարարություն դեռևս չկա: Նոյեմբերի 12-ին հայտնաբերվել է ինքնաթիռի սև արկղը: Համապատասխան աշխատանքները շարունակվում են:
Աղբյուր՝ Trt Haber
