Թուրքիայի խորհրդարանում ձևավորված «Ազգային համերաշխության, եղբայրության և ժողովրդավարության» հանձնաժողովի անդամները և իշխող «Արդարություն և զարգացում» կուսակության (ԱԶԿ-AKP) փոխղեկավար Էֆլան Ալան հանդիպել են քննարկելու «Քուրդիստանի բանվորական կուսակցության» (ՔԲԿ-PKK) հիմնադիր-առաջնորդ Աբդուլլահ Օջալանին այցելելու վերաբերյալ հարցը։
Նշվում է, որ այս հարցի շուրջ համապատասխան քվեարկությունը տեղի է ունենալու վաղը՝ նոյեմբերի 22-ին, ըստ որի էլ՝ որոշվելու է այց կկատարվի Օջալանին, թե՞ ոչ։ Խորհրդարանում ԱԶԿ-ական խմբի ղեկավար Աբդուլլահ Գյուլերը լրագրողների հետ զրույցում կարծիք է հայտնել թեմայի վերաբերյալ։
«Մենք կարծում ենք, որ գործընթացի առաջընթացի համար այցը կարևոր է։ Եթե լինի քվեարկություն, դրական ենք քվեարկելու»,- հայտաարարել է նա։
Բացի այդ, վերջինս հայտնել է, որ Իմրալը կղզի այցելության հարցը, որտեղ Օջալանն անազատության մեջ է գտնվում, հանձնաժողովի ԱԶԿ-ական պատագամավորների հետ քննարկվել է մեկ ժամ, ապա հավելել, որ քվեարկությունը հանձնաժողովի ներքին հարցն է և իրենք հայտնում են իրենց տեսակետը։
Աղբյուր՝ Kronos
