Թուրքիայում իշխող «Արդարություն և զարգացում կուսակցության» (ԱԶԿ-AKP) խոսնակ Օմեր Չելիքն անդրադարձել է Սիրիայի դեմոկրատական ուժերի (SDK) գլխավոր հրամանատար Մազլում Քոբանիի (Մազլում Աբդի) Իմրալըի վերաբերյալ հայտարարություններին՝ անհրաժեշտ համարելով, որ «SDK»-ն հրաժարվի զինված պայքարից։
«Ժողովուրդ դաշինքն ամբողջությամբ համաձայնեցված նշել է, որ SDK-ն պետք է զենքերը վայր դնի։ Խնդիրը թե՛ տարածաշրջանի և թե՛ Թուրքայի անվտանգությունն է։ Յուրաքանչյուր ահաբեկչական կազմակերպություն պատճառ է դառնում մեկ այլ ահաբեկչական կազմակերպության ծնվելուն»։
Բացի այդ Չելիքը նշել է, որ որպես Թուրքիա տեսնում են թե՛ դրական և թե՛ վատ մոտեցումները և յուրաքանչյուր ոչ դրական քայլ պատասխան է ունենալու։ «Մի շարք ուժեր կան, որոնք ահաբեկչական կազմակերպությունները որպես միջնորդ են օգտագործում․ թո՛ղ վերջ տան դրան»,- հավելել է Չելիքը։
Հիշեցնենք, որ Քոբանին ավելի վաղ անդրադարձել էր թուրքական պատվիրակության՝ «Քուրդիստանի բանվորական կուսակցության» (ՔԲԿ-PKK) հիմնադիր-առաջնորդ Աբդուլլահ Օջալանին այցելելու լուրերին՝ ասելով, թե իրենք ևս կարիք են զգում Օջալանին այցելելու։
Նաև նշել էր, որ Թուրքիայի և հյուսիսային ու հարավային Սիրիաների միջև բաց հաղորդակցման ալիքներ կան, ապա հայտարարել, որ իրենք ցանկանում են, որպեսզի այդ շփումներն ամրապնդվեն, ինչպես նաև վերածվեն պաշտոնականի ու որոշ հարցերում համաձայնություններ ձեռքբերվեն։ Քոբանին նաև Թուրքիայից աջակցույթուն էր խնդրել՝ Սիրիայում ինտեգրվելու հարցում։
Աղբյուր՝ Artı Gerçek
