Թուրքիայում գործող «ASAL» հետազոտական և խորհրդատվական ընկերությունը հրապարակել է 2026-ի հունվարին անցկացված սոցհարցման արդյունքները, որոնք վերաբերում են Թուրքիայի նախագահի թեկնածուներին։ Հարցման մասնակիցներին տրվել է «Ու՞մ կցանկանաք տեսնել Թուրքիայի ղեկավարի պաշտոնում» հարցը։
Ըստ հարցման արդյունքների՝ 23.2%-ը նշել է, որ Թուրքիայի ղեկավարի պաշտոնում կցանկանա տեսնել իշխող «Արդարություն և զարգացում» կուսակցության ղեկավար և երկրի գործող նախագահ Ռեջեփ Թայիփ Էրդողանին։
Հարցվածների 14%-ը նշել է, որ ղեկավարի պաշտոնում կցանկանա տեսնել ընդդիմադիր գործիչ, քեմալականների «Ժողովրդահանրապետական կուսակցության» անդամ (ԺՀԿ-CHP), Անկարայի ընդդիմադիր քաղաքապետ Մանսուր Յավաշին, 11.3%-ը այդ պաշտոնում ցանկանում է տեսնել «Ժողովրդահանրապետական կուսակցության» անդամ, Ստամբուլի ըննդիմադիր քաղաքապետ և ներկայումս անազատության մեջ գտնվող Էքրեմ Իմամօղլուին։ 6%-ն այդ պաշտոնում ցանկանում է տեսնել Թուրքիայի քրդամետ «Ժողովուրդների դեմոկրատիա» կուսակցության համանախագահ Սելահեթթին Դեմիրթաշին, իսկ 5.9%-ը՝ «Ժողովրդահանրապետական կուսակցության» առաջնորդ Օզգյուր Օզելին։
Հարցվածքների 3.7%-ն այդ պաշտոնում ցանկանում է տեսնել թուրքական ծայրահեղական «Գորշ գայլեր» կազմակերպության քաղաքական թևի՝ «Ազգայնական շարժում կուսակցության» (ԱՇԿ-MHP) առաջնորդ Դևլեթ Բահչելիին, 3.3%-ը՝ «İYİ» (Լավ) կուսակցության նախագահ Մուսավաթ Դերվիշօղլուն, իսկ 2.4%-ը՝ «Zafer» (Հաղթանակ) կուսակցության առաջնորդ Ումիթ Օզդաղին։
Աղբյուր՝ Haber7
